يازينة الأسامي
ياسيدة غرامي
يا مأوي العشاقة
يابهجة أيامي
ياجنة هوايا
يا روضة هنايا
يالحسنك أسرني
بسبك فيك غنايا
طال هجرك دلالك
ليه مانعة وصالك
متين أقرب أعاين
لسحرك جمالك
طيبة ذوق أصيلة
ويا رائعة وجميلة
منايا أخدم جنابك
يالفي قدرك جليلة
حين يلمع بريقة
أشواقي تسيل دفيقة
قلبي بحن ليها
كل ساعة ودقيقة
ستار الفرقة سادل
ودائما دمعي سابل
متين أعرف طريقك
وكل يوم ليك أقابل
طيبة هواك ماكن
قلبي وجوة ساكن
منايا أطوي المسافة
وأصلك بسواكن
يا عروس المدائن
ليك المولی صائن
حبك في الدواخل
واضح أثره بائن
البراق يلاصف
لانظاري خاطف
شال لنوم عيوني
وخلی قليبي واقف
دوام برسل سلامي
لصاحب المقامي
زمزم بيهو ترقی
وتسعد كل أيامي