طيب الأسامي
حبيبنا
نبينا القدره سامي
يا للمثل نافي
وتعلم كل خافى
نرجوك بالأحقاف
الحجة والطوافي
بنظم القوافي
وبحكي لأوصافي
في طه المثلو مافي
يخدم ضيفو حافي
علي الحصير منامه
والأسودين طعامه
ويوجز في كلامه
ويبادر بسلامه
في الأسلام تخاوي
وبين الناس تساوي
ديما جوفك طاوي
وحبك قلبي كاوي
بالأيتام ترافي
وقلبك ماهو جافي
تفلك بلسم شافي
وريحك عطرا صافي
حسرتي و ملامي
ما شفتك في منامي
غايتي و مرامي
تشفع يوم قيامي
ليهو الجزع مالا
ونادتلو الغزالة
صادق المقالة
وبلغ الرسالة
نسما منه جاني
وعذب الجناني
وهيج الأشجان
وشال لنوم أجفاني
زمزم ليك تنادي
وحلحل لقيادي
أدنيني من بعادي
وأوصلك يالهادي
صل بغير تعدادي
يا خالقة العبادي
عد ما غنى شادي
علي نور فؤادي